昨日財經新聞見3800發盈喜,固有環保發電業務半年盈利多賺兩倍,但股價冇乜反應.研究一下,發覺隻股好多疑問. 隻股叫保利乜乜,但翻查股東資料,保利集團好似已經淡出,3800已變純民企,點解仲掛住保利個名?
再Search 168,曾有人指3800負債嚴重,負債30多億,舊年賺得億幾,隨時會係304翻版. 不過老闆幾好彩,食正大陸新能源股早前熱炒,把3800炒回NAV之上,再宣佈以借貸及大量印公仔紙鯨吞主席旗下估值二百幾億的太陽能多晶矽生產公司,再趁股價炒至高位抽水三十幾億還債.
但係又有新問題了.網上有資料指所收購太陽能附屬子公司08年一間賺22億一間蝕5億.據悉07-08年多晶矽短缺,價錢好高,但多晶矽舊年第四季起開始大跌價,而且隨大陸產能不斷擴大,跌勢會持續至明年.又有說08年上半年3800的太陽能多晶矽附屬公司生產成本US90/kg, ASP US$293/kg,而近期多晶矽現貨價已暴跌至 US$65/kg,即使生產成本也跟隨下跌,但計落條數係咪仍然極有可能蝕大錢呢?
3800係咪用左08年行業高峰估值,趁新能源股熱把即將蝕大錢資產注入上市公司再配股掠水搵笨呢? 以3800現時之資產,以前的環保發電業務比重大為縮細,我諗莫講話舊業務半年盈喜多賺兩倍,分分鍾多賺十倍都補唔番新業務將會蝕的.上星期以$2.83接三十幾億新貨的大戶,係咪傻嘅呢?